Beth?

Project gwirfoddol, cenedlaethol yw Achredu Landlordiaid Cymru (ALC), sy’n cael ei redeg gan y 22 Awdurdod Lleol (ALl) yng Nghymru.

Seilir y Cynllun ALC ar y gred y bydd landlordiaid, po fwyaf ymwybodol a gwybodus ydynt ynghylch y prif faterion rheoli eiddo, yn fwy tebygol o gynnal a chadw eu heiddo i safon uwch; o ganlyniad, bydd diogelwch ac iechyd eu tenantiaid yn cael ei wella a’u busnesau wedi’u diogelu’n well.

Trwy ddarparu gwybodaeth a chyfleoedd datblygu proffesiynol i landlordiaid ar draws Cymru, bydd y cynllun yn:

• Cynorthwyo landlordiaid achrededig i weithredu busnes rhentu llwyddiannus.
• Darparu llety diogel, wedi’i reoli’n dda, i denantiaid.
• Darparu brand hawdd ei adnabod, y gellir ymddiried ynddo, ar gyfer landlordiaid sy’n hysbysebu eu heiddo a thenantiaid sy’n chwilio am lety.
• Lleihau nifer y landlordiaid sydd angen ymyrraeth gan y Cyngor i ddatrys problemau. Dylai hyn, yn ei dro, olygu y gall Cynghorau dargedu’r nifer fach o landlordiaid na fyddant yn gwella’r safonau yn eu llety heb oruchwyliaeth drylwyr neu, mewn rhai achosion, camau cyfreithiol.

Os hoffech ddarllen disgrifiad llawn o’r cynllun, er mwyn cael gwybod am ei bwrpas a sut caiff ei redeg, mae croeso i chi lwytho’r ddogfen Canllaw i’r Cynllun yn yr adran ‘dogfennau i’w llwytho’ o’r wefan hon..